Мектебімізде экологиялық тәрбие беру мақсатында 8"А" сыныбында "Қазіргі кездегі экологиялық  проблемалар" тақырыбында дөңгелек үстел өткізілді. Дөңгелек үстел барысында оқушылар экологиялық проблемаларды, оны шешу жолдарын айтып талқыланды.

"Мектепке тағзым. Жомарт түлек" жобасы аясында мектебіміздің түлегі Аманова Нагима оқушылармен бірге "Бір бала,бір ағаш" акциясын өткізді.«Бір тал кессең, он тал ек» қағидасын мықтап ұстанған халқымыз үшін тал егу - маңызды істердің бірі.

Халқымыз «Дені саудың – жаны сау» деп орынды айтқан. Отанымыздың келешегі, көркеюі, балалар, сіздердің қолдарыңызда. Сондықтан сендердің таңдауларың - салауатты өмір салтын сақтау Бүгін Дүниежүзілік «Денсаулық күні» аталып өтіп жатыр. «Дені саудың, жаны сау» атты мектебімізде спорттық эстафетаны "Жас Ұлан" ұйымының жетекшісі аға тәлімгердің  ұйымдастыруымен өтті.  Денсаулық ол – шыныққан  Барлық денең мүшесі.  Денсаулық ол - тыныққан  Жүйке тамыр жүйесі.  Денсаулық ол - күлуің  Көңіл – күйің

Жер тоңы жібіп, алғашқы көк дүркіреп шыға бастаған кезде шыбық қадап, тал отырғызу – сауапты іс. Өйткені, жерге шаншылған әрбір тал күтімі жақсы болса, күні ертең жапырағы дараққа айналып, жазда сая, қыста қамсау болады. Әрі экологиялық ахуалды жақсартып, қоңыржай климат қалыптастыруға әсерін тигізеді. Осы мақсатпен мектебіміздің 11-сынып оқушылары мектеп ауласына ағаштар отырғызды.

Қандай ғажап керемет – табиғат, Іш, бауырым, пейіл қойшы пайымдап, Игілігің – көкше көлдер, өзендер, Сеңгір таулар, гүлді орман, қайың бақ...Біз табиғатты аялап, қорғауға міндеттіміз. Әрқашан оны қорғап, ластануына жол бермегеніміз жөн. «Мекенім-жасыл елім» акциясы аясында 10-сынып оқушылары мектеп ауласына тал отырғызды.

Наурыз - бақтың бастамасы, жақсылықтың жаршысы, өмірге нұр сыйлаған, халық қастерлейтін күн. Наурызым міне келді жайраңдаған, Ынтымақ пен достық бір сайраңдаған Мол дастархан ақ ниет ырыс толған, Көктемнің бұл күніне қайран қалам.

Мектеп инспекторы Байниязова Э.Р. ұйымдастыруымен "Жол ережесін білейік,аман-есен жүрейік" тақырыбында оқушыларға жол ережелерін көрсету мақсатында іс-шара өткізілді.

22-наурыз Ұлыстың Ұлы Күні -Наурыз мерекесіне орай Қазақ тілі пәні мұғалімдерінің ұйымдастыруымен "Қазақшаң қалай" зияткерлік ойыны өткізілді. Бұл күні жақсы тілек тілеу, құттықтау, кешірім жасау, табысу сияқты адамгершілік қасиеттер көрініс тауып, кейінгі ұрпақтар сондай жақсы өнегеден үлгі алған.

Наурыз мерекесі күні - қасиетті күн. Данышпан ата-бабаларымыз бұл күнді табиғаттың айрықша белгілерін ескере отырып белгілеген. Наурыз айын ерекше қасиеті бар ай ретінде бағалаған. Күн мен түн теңелетін күн, төрт түлік мал төлдейтін ай, табиғаттағы барлық жәндіктер мен өсімдіктерге жан бітетін ай. Қыстың соңы, көктемнің басы жыл құстары келе бастайды.

Қазақтың ұлттық тағамын насихаттау барысында мектеп пен ата- ана ынтымақтастығын арттыру мақсатында  9 сыныптың қыздары  22 наурыз мерекесіне орай «Бауырсақ  PARTY» атты байқау ұйымдастырылды.  Мұндағы мақсат береке бірлікке, татулыққа шақыру. Ата – аналармен тығыз байланыс жасай отырып, оқушыларды қазақтың ұлтты салт – дәстүрді ұстауға, оқушыларды патриоттық сана сезімі ояту ұлтжандылыққа тәрбиелеу.